Tuis

Welkom by die Suidooster – Hoërskool Strand se skoolkoerant onder leiding van mev. Henriëtte Schoeman, bygestaan deur mev. Franca van Niekerk, woeker met ‘n redaksiespan van 20 lede. Die redaktrise, Leoné van der Westhuizen en Francious Pheiffer, die sub-redakteur. Hierdie toegewyde span is hard aan die werk om opwindende nuwe nuusbrokkies op te spoor uit die hart van Hoërskool Strand.

Liewe Lesers

Welkom by Kwartaal 2! Dis die kwartaal van min slaap, min tyd, baie stres en baie leer- die eksamenkwartaal. Maar moenie bekommerd wees nie! Goeie wenke vir tydsbestuur en studie is op pad!

Totsiens aan die warm son, kort broekies en oop skoene en hallooooo warm komberse, groot sambrele en dik baadjies asook die tyd vir kaggels, koffie en dans in die reën. Wat is jou gunsteling deel van die winter? Skryf gerus en laat ons weet.

Die sport is al bedrywig en lekker aan die gang! Die eerste spanne se klere-oorhandiging is behartig en ons kan nie wag om ons Arende op die sportvelde in hul spoggerige, nuwe uitrustings te sien nie. Hierdie kwartaal gaan die Arende al die ander skole se spanne onder die tafel indans en dit geld nie net vir die eerste spanne nie!

Matrieks, ons tyd in die hoërskool word al hoe korter. Hoekom vlieg die tyd so vinnig verby? Ek dink ek moet die knoppie kry om die jaar van vooraf te laat begin… Ek is nou eers gewoond aan die besige en rowwe skedule van ‘n matrikulant. Maar hou bene hou! Ons kan dit doen. Moenie opgee nie, dis nog net ‘n klein rukkie wat ons moet deurdruk.

Arende, sterkte vir die kwartaal! Ons sal hoog vlieg, hoe dan anders? Doen jou bes en leer hard – jy staan tog nie verniet elke oggend vroeg op met half-toe oë om skool te kom nie? Sit elke bietjie moeite in en maak hierdie kwartaal ‘n goeie een.

Hou ons dop vir nuwe foto’s, baie videos en baie berigte. Lekker lees!

Die Redaktrise

Leoné van der Westhuizen

 

Vind ons op Google+  .

Jou kommentaar...

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s